1. Town Is by the Sea
या आठवड्यातील वाचलेलं पुस्तक Joanne Schwartz चं "Town Is by the Sea".
या पुस्तकात रेखाटने आहेत Sydney Smith ची.
कोळशाची खाण असलेल्या गावातील एका लहान मुलाची दिनचर्या- daily routine अशी या पुस्तकाची थिम आहे. त्या मुलाचे वडील समुद्राखाली असलेल्या खाणीत कामगार आहेत. त्याचे आजोबाही खाण कामगार होते.
सकाळी उठल्यापासून रात्रीपर्यंतचा मुलाचा दिनक्रम यात आहे. मग त्यात मित्रासोबत बागेत झोका घेणं, आईने सांगितलेल्या गोष्टी बाजारातून आणणं असो , दुपारी आजोबांच्या थडग्याला भेट देणं आणि संध्याकाळी बाबांची वाट पाहणं.
दिवसभर त्याला आपले बाबा खोलवर अंधाऱ्या खाणीत काम करताहेत याची आठवण येत असते.
पुस्तकातली रेखाटने खूप सुंदर आहेत आणि त्या लहान मुलाच्या भावविश्वाचा ठाव घेणारी आहेत.
पुस्तक या लिंक वर वाचता येईल.
2. Perfect Days
या आठवड्यात पाहिलेला नितांत सुंदर असा जपानी सिनेमा.
या सिनेमात conflict काहीच नाहीये. काहीच धक्कादायक घडत नाही. हिरायामा नावाच्या साठीतील सार्वजनिक संडास साफ करणाऱ्या एका सफाई कामगाराची गोष्ट. त्याचा दिनक्रम. आपण नेहमी एक समज करून घेतो कि समाजाच्या दृष्टीने अशी 'हलकी' कामे करणाऱ्या व्यक्तीचं आयुष्य समृद्ध नसेलच. आनंदी नसतील राहत ती. या चित्रपटाचा नायक त्याच्या कामात आणि आयुष्यात खुश आहे. त्याचं एक सेट रुटीन आहे रोजचं आणि सुट्टीच्या दिवसाचं. वर्षानुवर्षे ते चालूय. आजच्या डिजिटल युगात त्याचं अनालॉग आयुष्य स्लो वाटेल. बघितलाच पाहिजे असा सिनेमा. द गार्डियन मधला review इथे वाचता येईल.
3. पंच मधील कार्टून
Alberto Manguel - अथ ते इति पर्यंत पुस्तके वाचून न संपवण्याबाबतचं मनोगत.
त्यांच्या मते पुस्तके अर्धवट वाचून ठेवण्यात गैर काहीच नाही. पुस्तके वाचता वाचता आपणही बदलत जातोच. एखादं पुस्तक परत वाचताना आपणही बदललेले असतो. We never enter the same book twice.
कधी कधी अर्धवट वाचलेल्या पुस्तकांना दुसरी संधी देता येऊ शकते. कधी कधी खूप चांगलं पुस्तक पुरवून पुरवून वाचण्यासाठी अर्धवट ठेवलेलं असतं. हा लेख इथे वाचता येईल.
5. सध्या काय वाचतोय ?
गीत चतुर्वेदीचे 'सिमसिम'. फाळणीच्या पार्श्वभूमीवर भारतात स्थलांतरित झालेल्या सिंधी युवकाची गोष्ट. त्याबद्दल लिहीन पुढील भागांत.
कोणत्याही टिप्पण्‍या नाहीत:
टिप्पणी पोस्ट करा